Gorbeia Suzien Ternua 2017, Europako txapelketa

GORBEIA SUZIEN TERNUA 2017, EUROPAKO TXAPELKETA

• Gorbeia Suzien Ternua Europako Txapelketa izango da aurten, Sky modalitatean.

• ISFren Skyrunner® National Series Spain, Portugal & Andorra zirkuituko proba izaten segituko du: sky modalitateko 5 lasterketetan egutegiko azkena izango da Zeanurikoa.

6. edizioa berritasunez beteta dator Zeanuritik (Bizkaia): Gorbeia Suzien Ternua mendi-lasterketa Europako Txapelketa izango da 2017an SKY modalitatean.

Ultra, sky eta bertikal modalitateetan, lasterketa hauek osatuko dute Europako 2017ko txapelketa:

- ULTRA

- uztailak 8 – *High Trail Vanoise, 68 km, Val d’Isère, Frantzia

- SKY

- urriak 7 – Gorbeia Suzien SkyMarathon®, Zeanuri, Euskal Herria

- BERTIKALA

- Urriak 13 – * Vertical Kilometer® Grèste de la Mughéra, Limone sul Garda, Italia

Horrez gain, ISFren Skyrunner® National Series Spain, Portugal & Andorra zirkuituko proba izaten segituko du Gorbeia Suzien Ternuak. 5 lasterketak osatuko dute sky modalitateko zirkuitua eta egutegiko azkena izango da Zeanurikoa:

– 2017/03/12. Tres Valles - Sierra de Francia (La Alberca, Salamanca) 35 KM / +2100 Mts

– 2017/05/14. Marató de Montserrat (Collbató, Bartzelona) 42 KM / +2.550 Mts

–2017/07/31. SkyRace Comapedrosa (Arinsal, Andorra) 21KM / + 2.280 Mts

– 2017/10/01. La Vara Trail (Caravaca de la Cruz, Murtzia ) 42KM / +2900 Mts

–2017/10/07. GORBEIA SUZIEN (Zeanuri, Bizkaia) 31KM / +2400 Mts

Azken 5 urteetan bezala, nazioarteko, nazioko eta Euskal Herriko mendi-lasterkeri onenak biltzea espero du Gorbeia Suzien probak. Europako Txapelketa izango dela jakin eta berehala, besteak beste, Aritz Egea Ternuako kide urretxuarrak jakinarazi du aurten ere gurean izango dela: “Errekonozimendu internazionala. Berriz joan behar!” adierazi du korrikalariak.

Urriaren 7an, Zeanurin ikusiko dugu elkar!

Ainhoa Lendinez

www.gorbeiasuzien.com