Karmen Etxalarkoa

Powered by Wikiloc

 

Ibilbide honetan, Karmenen ustezko jaiotetxerako bidea egiten da. Ibilbidean zehar 6 argibide-taula daude jarrita, Kultur Etxeko ataritik bere etxeraino, Errotxen bordaraino, eta horietan, Karmenen garaiko zenbait gairi buruz informazioa ematen da. Ibilbidea osatzeko, Azkua mendiaren magala zeharkatzen duen ubidearen trazadura jarraituko dugu.

 

Jasokundeko Andra Mariaren eliza

Hilarria

Hilarria

Ibilbide tematikoari dagokion bide zatia guztiz balizatuta dago. Alde batetik marra zuri eta berdeak (SL.NA 298) ditugu, eta, bestetik, arrosa koloreko flamenko dantzari baten irudiek lagunduko digute bide zuzena aukeratzen. Kultur Etxearen ondoan dagoen 1. argibide-taularen ondoan emango diogu hasiera ibilaldiari. Etxe ederren artean, Zugarramurdira zuzentzen errepidean barna aurrera eginez, laster helduko gara Tximista errekaren ondoan dagoen Gainko errotaren aurrien ondora. Zubia igaro, maldan gora jarri eta berehala, errepidea utzi eta eskuinetik ateratzen den hormigoizko pista hartuko dugu.

Arbiko ur-jauiza

 

Sarrikuko borda eta argibide-taula

Bide erosoan zehar azkar iritsiko gara Arbiko zubi eta ur-jauziaren ondora. Bide bazterrean jarrita dagoen 2. argibide-taulan, paraje hauei buruzko zenbait datu ematen ditu, horian artean Baztango bide zaharri buruzkoak. Hormigoizko bidetik aitzina eginez, berehala hau utzi, eta, ezkerretik marrazten den xendan barrena maldan gora abiatuko gara. Ibilbideko zatirik politena dugu hau, gutxi gorabehera kilometro batekoa, lurrezko pista eta bidezidorretatik egiten da, baso eremuetatik. Hemen, "Baztango bide" zaharretik ibiltzen da, Sarrikuko zubi zaharra bezalako leku ederretatik, Tximista errekaren eta Sarriku bordaren ondotik. Bordaren ondoan dagoen 3. argibide-taulan kontatzen dena irakurri eta gero, zubi-zaharraren ondoan dagoen 4. argibide-taula ikusiko dugu. Zubi ederra gurutzatu eta errekara jaitsiko gara zubiaren tamainaz eta edertasunaz ohartzeko. Tarte hau aurrerago amaitzen da, hormigoizko pistara itzuliz.

 

Sarrikuko zubi zaharra

Bide-seinaleak

Tximista erreka

Atsedengune txiki batera ailegatzean, Karmenen garaian Etxalarko biztanleen bizimodua erakusten duen 5. argibide-taula ikusiko dugu. Aldapa goran jarri eta ibilbide balizatuaren azken zatia beteko dugu Errotxen bordaren aurrien ondora heltzeko, Karmenen sortetxea omen zenaren ondora hain zuzen ere. Eta honen ondoan 6. argibide-taula. Esaten denez XIX. mendearen hasieran, Etxalarren Karmen izeneko neskato bat bizi izan zen. Prosper Merimèeren "Carmen" eleberriari esker egin zen ospetsu, eta geroago Bizeten operari esker. Antza denez, Karmen Errotxen bordan jaio omen zen, Larrapil-Sarriku auzoan. Gaztetan, uholde-gau batean, ijito batzuek bahitu eta Sevillara eraman zuten. Behin han, obran kontatzen diren bizipen ugari izan zituen. Herrian betidanik esana zen Carmen Etxalarren jaioa zela. Bertako zaharrenek, ahozko tradizioaren bitartez, euren ondorengoei euren existentzia helarazi diete. Horren erakusgarri da "Bortziriak solasean" liburuan, "Olako Karmenen historia" izenekoan, herritar batek kontatutako gertakarien aipamena eta deskribapena.

 

Bide-seinalea

Ubidea

Ubidearen gainetik

Ibilbide balizatuari aio esan eta, hortik aurrera, kilometro batez, igoera leun bat egiten da lurrezko pistatik, ur-kanalaren ibilbidearekin konektatzeko. Bertatik arazorik gabe joango gara baso ederrean barrena, erabat laua, uharkaraino. Azkuako itzuliaren PR NA 12aren bide balizatuarekin egingo dugu bat, eta, beherago, GR-11 eta 12aren bide-seinale zurigorriek lagunduko digute herriraino jaisten.

Uharka

Uhatea