CANIGO MENDIAREN ITZALEAN

 

          Kataluniako iparaldean barneratuko gara gure abentura bizitzeko. Pirinio Katalanak  Frantziako hegoaldean daude, lurralde hau Okzitania  izeneko eremu barruan dago, administratiboki Frantzian dago baina historikoki  Kataluniaren parte izan da.

          Canigó mendiaren inguruan ibiliko gara. Ibilbide honek paisaia ikusgarriak, naturarekiko harremana eta erronka fisikoa biltzen ditu. Batere aterpetik abiatuko gara. 1.490 metroko altuera du

          Helburua Cortalets aterpea da. Bidea GR10 ibilbide ezagunaren zati bat da. Frantziako Pirinioak ekialdetik mendebaldera zeharkatzen duena. Bidea nahiko zabala da, zenbait lekutan maldak eta bide malkartsuak badaude ere, ondo senalatuta dago eta ez du zailtasun handirik.

      Cortalets aterpera hurbildu ahala Canigó mendiaren ikuspegi zabala dugu.

           Aterpea beteta dago, afari xumea, mahai luze baten inguruan mendizale zahar eta gazte. Berriketa luzeak eta isilune  laburrak.

          Goiz ateratzen gara  gaurko jomuga dugun Marialles aterpera. Aurretik Canigó tontorrera igo behar dugu. Barbet gailurraren ertzetik doan bideari jarrituz igoko gara.

          Gailurretik txapela kentzeko moduko bistak. 2.784 metroko mendian burnizko gurutzea aurkituko dugu.

          Canigoko sua urtero ospatzen den errito herrikoa da. Ekainaren 23an goizean goiz boluntarioak  sua Canigoko gailurretik hartzen dute eta Katalan herri osora  banatzen dute. Canigoko suak Kataluinako kulturaren eta identitatearen ikurra da. Sua herri batetik bestea zabaltzean, Katalan herri guztien arteko anaitasuna eta kohesio soziala indartzen da. Katalanentzat mendi sakratua da.

  

          Gailurretik, Canigó lepora jaitsiko gara bide harritsu eta maldatsu batean. Altuera jaitsi ahala paisaia ere aldatzen joango da.

          Baso ilun baten sartzen da bidea eta zuhaitz artetik agerian ditugu gailur zorrotzak, inguru karstiko dotorea osatuz.

          Marialles Aterpeko inguru ederrak  harrera egiten digu. Mendi altuez inguratuta atseden leku lasaia da. Baita ere, leku egokia Canigó mendira igotzeko.

          Marialles aterpetik Py herrixkra jaitsiko gara, 7 kilometro inguruko ibilbide erosoa. Basoko giro freskoarekin gozatuz. Zati honetan ere uraren presentziak bizitasuna ematen dio inguruaari. Bide bukaeran Py herria aurkituko dugu,   harrizko etxeak eta kale estuak dituen herri polit bat.

          Hemen ematen diogu bukaera hiru eguneko zeharkaldiari, 37 kilometro eta 1.750 denibelasrekin.

⛰️ PEÑA REQUEJINES 2025 mt, ⛰️ PEÑA AUSENTE,2045 mt San Isidro mendatea Asturias-León.

 

 2026-07-30 CEBOLLEDO zirkua, San Isidro mendatearen León aldean. Goizeko 10ak aldean heldu gara eta beste kotxe bat bakarrik dago aparkaleku erraldoian. Abereak larreetan.
  

 Requejines mendatera igotzen. Aldapa dago eta bero egiten du, baina bidea nahiko erosoa da.

 PEÑA REQUEJINES (2026m). Pico Ausente atzean. Ondoren horra joango gara.

 Ausente lakua behean geratzen da. Gero jetsiko gara, eskuinetik. Hemendik, PRa ezkerretik jeisten da lakura. Baina gu Ausente-ra joan eta handik jetsiko gara.

 Eltxo pila dabil tontorrean eta berehala jarraituko dugu gure martxa. San Justo mendia eta Mampodre-ak atzerago.

 PICU AUSENTE (2041m). Ordu laurdenean pasatzen da batetik bestera.

 Jetsieran. Bidea nahiko labainkorra da, hondarra baitago.

 Poliki baina ari gara lakura hurbiltzen. Orain harri solteak eta hondarra bidean.

 Eta hutsik dagoen aparkalekura heltzen. Agujas eta Toneo aurrean. Ibilbide erraza eta nahiko laburra, baina ezagutzen ez genuen inguru batean. Bero handia eta jende oso gutxi. Beste pare bat mendizale besterik ez dugu ikusi, eta urruti.

Ibilbidea
   
Erreportaje osoa hemen...

Ihuda ibaiaren haitzartea

Powered by Wikiloc

 

Ihuda ibaiaren haitzartea Trebiñuko konderriaren ekialdean dago, eta eskualdeko paisaiarik ikusgarrienetako batzuk eskaintzen dituen harribitxi naturala da. Ibaiak zizelkatutako arroila estu eta sakon hori Burgosko enklabe batean dago, Arabako probintziak inguratuta.

Ihuda ibaiaren haitzartea, 426 hektareako azalera eta Batasunaren Intereseko Leku (GKL) izendatua, ingurumen-balio handiko naturgunea da. Ibaiak Gasteizko mendietan sortutako zintzur horretan biodibertsitate aberatsa dago. Paisaia pago-masa hostotsuz, erkametzez, ezpelez, artez eta ipuruz apainduta dago, baita hagin ikusgarriz ere, bereziki Arrolako sakanean ikus daitezkeenak. Gainera, eremua fauna anitzarentzako babeslekua da, bereziki harraparientzat.

Saseta herritik abiatzen den bide seinaleztatuak ibaiaren ibilbideari jarraitzen dio, eta bisitariei Ihuda haitzarteko ondare natural eta geologikoa esploratzeko aukera eskaintzen die. Bidezidorrean zehar, ibaiak mendia zizelkatu du, ur-jauzi txikiak, landaretza oparoko putzuak eta malkarrak osatuz, kobazuloekin eta haitz-irtenguneekin.

Lehenengo ur-jauzia ura hartzeko presa txiki batean dago, ura antzinako errota hidrauliko batera bideratzen duena. Errotaren ondoan, ibaiak lau metro inguruko ur-jauzi ikusgarria sortzen du. Baratze batzuk zeharkatzen dituen ibaiertzeko bidetik jarraituz, hirugarren ur-erorketa bat aurkitzen da, bakoitza aurrekoa baino xarmagarriagoa.

Sasetako abiapuntua

Errota eta ur-jauzia

Errota eta ur-jauzia

Ikuztegia edo garbitokia

Rodavieja ur-jauzia

Rodavieja ur-jauzia

Ur-jauzia

Ihuda ibaia

Ihuda ibaia

Okinako Kañiko iturria

Okinako Jasokundeko Ama Birjinaren eliza

Ibaiaren ondotik

Saseta herria

Menditxiki: Lillaz ur-jauziak

Powered by Wikiloc

 

Lillaz ur-jauziak (Cascate di Lillaz) ur-jauzien multzo ikusgarria dira. Urtier errekastoak 150 metroko altuera du guztira, eta Lillaz herrian (Cogne udalerria) daude, Gran Paradiso Parke Nazionalaren barruan, Aosta haraneko eskualdean (Italia). Mendebaldeko Alpeetako erakargarri natural, fotogeniko eta herrikoienetako bat da, eta ezin hobea da udan familia-txangoak edo neguko hilabeteetan izotz-eskalada egiteko.