2021 hasteko, Elurraz gozatzen etxetik gertu

Aspaldian blogean sarrerarik egin gabe, mendiari edo mendi eskiari dagokionez aparteko irteerarik egin ez dotenez, aipatzekorik ez da egon eta. Aitatasuna, lanbide aldaketa, baserriko lanak, gauza asko batera etorri dira. Baina 2021 berri honetan bada aipatzekorik. Covidak, inguruko bazterrak ezagutzeko aukerak eman dizkigu, eta kasualki, piriniotara atera ezin garen honetan, elurra etxean bertan edukitzeko zortea ere eduki dogu.

Egunotan etxetik gertu egindako irteeren laburpentxo bat ikusi dezakezue pirukeriak blogean

 

 

Pierra Menta 2019, Mendi eskiko Paris Dakarra

Inoiz baino entreno gutxiokin, iritsi zan Pierrara juteko momentua. Eskerrak azken asteetan Izabako memoriala eta Linzako Pyrene lasterketak egin genituen eta horrek sasoi pixka bat eman zidan Pierrara konfidantza apur batekin iristeko...
Eta horrela, konturatu ordurako Arechesen geunden Javi eta biok lasterketa hasteko zain.
Le Chornaisen 12 lagun juntatu ginan parte hartzeko prest, baina intendenzia ere bertan zauan, Oñati-Ondarru eta abarreko 16 lagun egunero animuak ematen eztarrixak urratzen!!!

Azken astian egualdixa begiratzen, 4 etapatatik 2 egun elurra, 1 eurixa eta zapatua eguraldi ona espero zala ematen zuan. Guretzat lehenengo hiru egunak panorama horrekin ez dia onak, segurtasunagatik behe partian piñarixetan trazatzen dabelako lasterketa, eta kriston bañerak itxen dia eta eskiatzen ez dakigunontzat gogorra izaten da hori. Materialak ere asko sufritzen dau, horregatik deitzen diote elurretako Paris-Dakarra adibidez
Nik nahixo izaten dot tontorretan ibiltzia, ertzak, malda zabalak eta abar, nahiz eta azken jeitsieran beti pasau bihar piñariren bat.
Baina hori ez da gure esku egoten, eta guk emandakua hartu bihar

1 etapa
Gabez elur pixkat bota zuan eta egunez eguraldixak errespetau. Oso alpinua ez izan arren, etapan zati bat goi aldian izan zan, eta azkenian oso etapa politxa urten zala esan leike, ze gainera, jeitsierak elur hautsetan izan zian.
Hemen egun honetako oroitzapen bideoa:


Eta hemen ikusi leike etapa Reliven:

Relive 'Morning Mar 13th'

2 etapa
Hau Areches herritik antxitxika igaroten dan eguna izaten da. Normalian Pierra Menta mendixan ingurura itxen da. Aurten elur dexente, eta Passage de la Charmettera bakarrik iritsi ginana, baina bezperan bezela, gabian elurra bota, eta egunez errespetau zaban, eta ibilbide politxak eta elur hautsa euki genduan bigarren egunez. Ezin kejau. Egun honetan, Pierrako historiako etapa luziena izan zala esan zaben.
Jarraixan bideua



Hemen ikusi leike indako etapia Reliven:

Relive 'Morning Mar 14th'

3 etapa
Barixakuan, goizaldera arte elur dexente eta eguna argitxu aurretik eurixa hasi eta egunian zihar eurixa ingo zabala esaten zaben. Eskerrak ez zaben guztiz asmatu, gabez elurra bai, baina egunez pixkat txispeau zaban arren, ez zuan euri askorik in. Hori bai, elur sakon eta astun astuna geratu zan (gu gehixo gera Candanekuak...). Lehenenguak jeisten ikustian ezagun zaban ze zaila zauan, asko txiribueltak itxen ikusten genitxuan elurretara erortzen, eta aurrikusten genduan zer etorriko jakun jeisterakuan...
Sekulako elur jausi arriskua zaonez, ez ginan oso gora igo, baina halere 21km eta 2000mtatik gorako etapa atara zaben. Guretzat nahiko deskantsu eguna, piriniotan kriston lasterketa luzia izango zana, bezperakuan ondoren motxa guretzat. Nola aldatzen dan perspektiba!



Hemen ikusi leike etapia Reliven:

Relive 'Morning Mar 15th'

4 etapa
Ikuslien etapa. Eguraldi ona urten arren, ezin gora ixo zauan elurjausi arriskuagatik. Halere, Forclaz eta ingurutik birritan pasatu ginan. Euskaldunak ere, egunero bezela, batian eta bestian lasterketa ikusten. Mila esker daneri animuengatik, baina batez ere euskal afizionaueri. Onenak zerate dudabaik
Aurrera bideoklipla

Eta hemen ikusi leike azken etapa Reliven:

Relive 'Morning Mar 16th'

Bandres Karolo memoriala 2019 Izaban

2019/02/23-25 Memoriala Izaban
Astebukaeran Izaban Bandres eta Karoloren omenezko memoriala izan da. Aurten izenematiak di-da bete dia, gauzak ondo itxen ditxuen seinale. 250 lagunek eman genduan izena, hau zoro kuadrillia!!!

Urteko kriston lanak hartzen ditxue antolatzailiek, eguraldixa, elur baldintzak eta gainontzeko aldagai guztiak hartu, eta ahalik eta ibilbide politxena itxeko. Aurten lana erraxago euki zaben eguraldi eta elur egonkorragatik, eta horri eskerrak, demaseko proba eder eta ikusgarrixa in zaben.

Larunbateko bakarkako proba, El Ferialeko iraupen eskiko pistetatik abantau zan, eta Lakora mendiaren aurpegi guztien zeharkaldixa burutu genduan, Belaguako aterpetxera jeitsi eta Zanpori mendixa in ostian, handik berriz El Ferialeko eski pistara bueltau ginan. Danera 20km eta 1800mko desnibel positibua, baina batez ere korridore dotoreak igo eta eski aldapa edarrak jeitsi genitxuan, Pierrako etapen toke handixakin!!!

Ikusi, ikusi David Arretxek dronakin indako bideua



Aurten elurra berandu hasi da eta gutxi eskiatuta nentorren. Abenduan egin genduan Peyragudesen karrera bat, eta arrezkeroz dorsalik jarribe, eta hori gutxi ez, eta gainera urtarrilian eskiatzen istripu bat euki eta belaunian esginze bat inda. Baina fisiuan orratzeri (eskerrik asko Oier eta Danel!!) eta denborari esker, minak ixa kenduta eta konfidantza hartzeko metruak itxera nentorren. Eta nola ez, ahal naban guztixa leihatzera!!!


Aurrian sartzeko asmoz hasi nintzan, baina lehenengo igoeran petardazua jo, eta nere lekuan jarri ninduan lasterketak. Halere, ritmo politxa eraman genduala pentsatzen dot. Aitorrekin eta Arkaitzekin burrukan ibili nintzan ixa lasterketa osuan, gero tokaiua erretirau zan arren, plazer hutsa makina hauekin ibiltzia!!!

Hemen egun honetako bideua:



Eta hemen ere ikusi leikez ibilbidian nundik norakuak
Reliveko bidixua: https://www.relive.cc/view/g30819855646

Relive 'Morning Feb 23rd'

Igandian berriz, kronua. Ez da nere fuertia izaten, baina ondo etortzen da karbonillia kentzeko. Gainera, prestau zaben ibilbidia neretzat aproposaua da pistetatik ixotzia baino. Baso eder bat jarri zaben Arrakoko bentatik Larrondoko tontorrera zixena. Ehundaka buelta maria, eskixak kendu, jarri, ibilbide irregularra. Neri hobetuen juten jatan ibilbidia seguraski.
Hemen ere Aitorrekin superpikauta ibili nintzan, azkenian aurretik sartzia lortu naban arren. Ikusi azpiko bideuan haseran helmugara zelan allau nintzan, ni ere harritxuta, baina, hauekin espabilau ezian, jai dao, eta ez nien lekurik laga nahi aurreratzeko, Aitor eta Angel Olaso ere batera zetozen eta.

Eskerrik asko Javi bideuagatik!!!


Hemen igandeko lasterketan nundik norakua

Relive 'Morning Feb 24th'

Pierrara juteko bi astetara gaoz. Belauna gogortu, konfidantza hartu eta azken entrenuak itxen gabiz. 4 egunetako paliza eta jeitsiereri errespetu apur batekin, baina gogo askokin aurten ere Pierran egoteko. Jungo naiz kontatzen

K2a eskiekin

Egunotan notizia da Andrzej Michail Bargiel muturreko eskiatzaile eta alpinista Letonioak K2a eskiekin jeitsi duela.  http://www.desnivel.com/expediciones/andrzej-bargiel-desciende-esquiando-el-k2

2010 urtean Pierra Mentan 9.postua lortu zuela ikusi dut. https://en.wikipedia.org/wiki/Andrzej_Bargiel

Oraindik mendizaletasunaren, muturreko eskiaren eta lasterketen artean puntu amankomuna mendia dela ikustean poztu naiz.

Izan ere, lasterketak estandarizatzen ari dira, pisten inguruan egiten dira asko, baldintzengatik moztu edo ibilbideak aldatzen badira kexatzen gera. Nere susmoa da moda bati jarraika gerturatzen dela jendea, mendian dagoela kontziente izan gabe.

Espero orain flipatletak ez saiatzea K2ra eskiekin joaten, kar kar kar

Asperi itzulia Candanchutik

Aurtengoa negu gogorra izaten ari da. Horren proba da dagoeneko elurjausiek 4 hildako eta hainbat eta hainbat elurjausiren argazkiak utzi digula piriniotan.
Eguraldi ona eta elur egonkorra atera zen egun gutxi horietako batean Edu, Javi eta Maiterekin batera Asperi itzulia egiteko zortea eduki nuen.

Kontrabandisten koban

Candanchuko pistetatik Loma Verdetik barrena igotzen hasi, ondoren Esper edo Aspeko bailara hotz eta ikusgarrian barrena Aspeko lepotik eguzkira atera ginen. Aisatik datorren hego aurpegiko igoera hartu, tontorra egin eta Aisa alderuntz jeitsi ginen ondoren. Baina hemendik Candanchura itzultzea tokatzen zen. Aisako lepora igo eta Tortiellaseko zirkutik bueltan iritsi ginen berriz ere pistetara.
Pirukeriak blogean ikusi dezakezue kontakizuna, argazkiak, bideoa eta wikiloceko tracka ere.

Sierra Nevadan 4 egun ahaztezin

Sierra Nevadara iritsi gabe nengoen orain arte.
9 ordutako bidaia da Granadara, 10 ordu Alpeetara, eta Alpeetan mendian ibiltzeko aukerak ugariagoak dira. Horregatik, orain arte iparreruntz jo izan dugu.
Baina urte batzutan gertatzen da neguko denboraldi haseran ez piriniotan, eta ezta alpeetan ere ez dagoela elurrik, eta aldiz Sierra Nevada eta Atlasa txuri. Aurten ere horixe bera gertatu da gabonetan, eta horregatik, hegoruntz apuntatu genuen, neretzat estrainekoz.

Veletatik Mediterraneoan eguzkia ezkutatzen

Internetaren aroa izan arren, era klasikoan antolatzen hasi ginen irteera; Morkaikoko eta etxeko artxiboetan bila ibili, eta Pyrenaica, Desnibel eta beste liburu batzutatik hasi ginen erreferentziak ateratzen.

Gutxi gora beherako aurrikuspen bat egin genuen. Poqueirako aterpetxea estrategikoki leku onean dago. Horregatik, bi edo hiru egun aterpetxean pasatzea pentsatu genuen. Zalantza Alpujarretatik igo, edo Sierra Nevadako eski estaziotik. Azkenean Sierra Nevadatik ateratzea erabaki genuen.
Gabonetako oporrak aprobetxatu arren, egun hauetan egoten diren betebeharrengatik ez geneuzkan egun asko. Hilaren 25ean arratsaldean atera, eta hilaren 30 iluntzean etxean egon nahi genuen, gabon zahar azokatik buelta bat emateko. Beraz, 5 egun geneuzkan eskiatzeko

Lehenengo egunean, bidaiaren nekeak kentzeko, Sierra Nevada ingurutik ibiltzea aurrikusi genuen. Ondoren, bizpa hiru egun Poqueirako aterpetxean, eta azken egunean berriz Sierra Nevada ingurutik mendikatean mendebaldean dauden Lantarongo tontorrak egin.
Baina bizitzaren kontuak, bigarren egunean Lasku, bidaiaren konplize nagusia gaixotu zen, eta planak pixka bat aldatu behar izan genituen, Granada ezagutu eta bertatik poteatzeko.

Azkenean lau egun ahaztezin izan dira Afrikaren iparraldean, altueran eskiatu dugu, eguraldi zoragarriarekin, eta batez ere, lagun berriak egin ditugu.

Hemen egunez egun egindakoaren kronika (Trackak dauzka)

1. eguna: Sierra Nevadatik Elorrieta-Veleta
2. eguna: Sierra Nevadatik Elorrieta-Caballo-Tajo de los machos-Veleta
3. eguna: Sierra Nevadatik Veleta zeharkatzen Poqueirako aterpetxera
4. eguna: Poqueirako aterpetxetik Mulhacen-Alcazaba-Puntal siete lagunas-Mulhacen-Puntal loma pelada-Veleta

Erreferentzietan gehien harritu gintuena, elurraren aipamena egiten zutenean, udaberriko elurretan eskiatzen zela izan zen. Gure konklusioa zera izan da, batetik kostatik oso gertu egoteagatik, hezetasun gehiagoko elurra egiten duela, eta bestetik, hegorago egotean, klima ere epelagoa dela. Horregatik, ez elur hautsa, baina ezta elurjausiak ere ez dira ohikoak Sierra Nevadan.
Halere, badaude elurjausiz hildakoak, eta elurjausi arrisku printzipala hego aurpegietako fusiozko elurjausiak dira, malda osoak erortzen omen dira. Beraz, ez da erlaxatu behar!
Baina elurjausiez gain, neguan elurraren eraldatzearekin, izotzetan erortzeko arriskua handiagoa izaten da. Elurraren hezetasunak, gainera, izotz urdina uzten duela aipatu ziguten bertakoek, oso oso arriskutsu eginaz kranpoi eta pioletekin ere.

Edozein kasutan, beharrezko arreta mantentzen, mendian ibiltzeko leku zoragarria da. Bertakoen esanetan, mendian eskiatzeko garairik onena elur asko egiten duen urtean udaberrian izaten da.
Ea hurrengoan udaberria ezagutzen dugun Sierra Nevadan!!

Lantarongo bailara

Tour de Rutor

Grande Course, edo munduko mendi eskiko lasterketa garrantzitsuenak batzen dituen zirkuituan barruan dago Tour du Rutor lasterketa.
Liga honetako lasterketen artean (Pierra Menta, Mezzalama, Adamello, Altitoy, Rutor eta PDG) egin gabe bi geratzen zitzaizkidan, Suitzan egiten den Patrouille des Glaciers (PDG) eta aipatutako Rutor.

Stefano Jeantet-en argazkia. Tour de Rutor webetik aterata

PDG egiteko ez daukat gogo askorik, lasterketa militarra da, eta Suitzako Zermatt herritik ateratzen da, beraz, dirutza bat balio du izenemateak. Halere, agian urteren batean egitera animatuko naiz denak egitearren.

Orain arte Rutor egiteko aukera askorik ez dut eduki, Martxoko azken astebukaeran izan ohi delako, eta fetxa horretan lanez lepo egoten naizenez, ezin izaten dut jai hartu. Aurtengoan, apirileko lehenengo astebukaeran jokatu zen, eta joateko aukera suertatu zitzaidan Javirekin.

Lasterketari dagokionez, formatuan Pierraren antza handia dauka, 3 etapatan egiten da, egunean 2.500mtik gorako desnibel positiboak egiten dira. Pierra bezela, oso teknikoa, eta agian Pierra baino alpinoagoa izango den lasterketa da, altuera handiagoan eta glaziarrean ere ibiltzea tokatzen delako. Halere, pentsaten dut Pierrak baduela beste plus bat, adibidez, igoerak markatzen dituztenean egiten dituzten aztarnak hobeto eginak, beste teknika batekin eginak daudelako (bi hankak altuera berean eta abar). Baina hori guztiz subjetiboa da. Edozein kasutan, Grande Courseko lasterketa bat da, ikaragarria zentzu guztietan!!

Rutorreko tontorra Aosta bailaran dago, Mont Blanc-en parez pare Italiako aldean. Glaziar zabal batez inguratuta dago, 2011ko udan egin genuenean eski markak ikusi genituen, eta hona eskiekin etorri behar nintzela pentsatu nuen.
Aurten tokatu zait eskiekin joatea lasterketa egiteko aitzakian, baina eguraldi txarrak ez dit ingurua ikusten utzi, eta tontorretik ere ez ginen pasa.
Hurrengo baterako utzi beharko dugu, beraz, Rutorreko tontorra eskiekin egiteko plana eta Mont Blanc-en hego aurpegia hor goitik neguan ikusteko aukera.

Pirukeriak blogean lasteketako hiru egunen kontakizuna
1. etapa
2. eta 3. etapak

Erraldoi txuriak

2013 urteko apirilean Erraldoi txuriak izeneko mendi-eskiko lasterketa bat antolatu zuten Benasquen. Aneto, Posets eta Perdiguero tiroian egitea zan plana. Ibilbidea balizatu edo markatu gabe egongo zan, eta hornidurak aterpetxietan izango ziran.

Erraldoi txurien nondik norakoa

All Radical Mountain Benasqueko denda/gida taldeak antolatu zuan Erraldoi txuriak lasterketa. Hemen informazioa: http://www.hostalparquenatural.com/gigantes-blancos-benasque/

Neri gustatzen zaizkidan lasterketen teoriarekin bete betean ematen du filosofia honek: Ibilbide oso luzea, markarik gabe, autosufizientzia maila handi batekin, eta mendi-mendian, piriniotako tontor garaienak egiten.

Lasterketan parte hartzeko prestatzen ibili ginen, baina eguraldi txarragatik bertan behera gelditu zen.

2014 urtean berriz ere saiatu ziren antolatzen, baina azkenean ez zen egin.

Egia esan, ez da antolatzeko erraxa den lasterketa bat; aldez aurretik data bat jarri behar izaten da egun horretan tokatuko diren baldintzak jakin gabe, eta neguan eta 3.000mtik gorako tontorretatik igaro behar dela ikusita, arriskatsua izan daiteke.

Lasterketa ez dela egingo ikusirik, ordutik erne gabiltza ea baldintza aproposak noiz tokatuko, gure kasa martxa hori egiteko.

Aurtengo aste santuak itxura ona zekarren, baina azkenean ez zen esperota bezain ona etorri. Edozein kasutan, bi egunetan egiteko planarekin joan ginen. Lehenengo egunean esperotakoa egin ahal izan genuen, baina bigarren egunean aurrikusitakoaren erdian geratu ginen.

Elurra eskiekin ahalik eta hobekien probesteko, aurrikusitakoaren kontrako noranzkoa egokiagoa zela pentsatu genuen. Pirkueriak blogean bi egun hauetako bizipenak eta lehenengo eguneko mapa ikusi ditzakezue
Anetori itzulia
Perdiguero

Beraz, oraindik bigarren eguneko tracka egiteko dago. Inork egiten badu, eskertuko nuke informazioa pasako balit!!!

Aizkorri-Aratz parke naturalean denboraldiko eskiadarik onenak

Etxetik ordu erdi eskaxera eskiak jartzeko aukera edukitzea luxu bat da. Aurtengoan, bi astebukaeratan hiru egun eskiatzeko aukera eduki dut Aizkorri-Aratz parke naturalean, eta urteko eskiada onenak bertan egin ditudan sentsazioaz geratu naiz gainera.
Martxoaren 5ean eguraldiak asko lagundu ez arren, Urbiaraino joateko aukera eduki genuen behelaino artean. Pirukeriak blogean ikusi dezakezue astebukaera horretako kontakizuna.
Aste osoan prezipitazio ugari eta elur maila 800m inguruan egonik, Urbia inguruan sekulako elurtea metatu zuen.
Martxoaren 12an, dagoeneko Euskal Herriko korridore famatuena den Kanalaundi Zuzena Aizkorriko tontorrera egitera joan ginen eskiekin. Korridoreetan ibilia denarentzat Kanalaundi bi piolet eta kranpoiekin oso igoera polita da, baina eskiatzen jeistea arriskutsua da, eta gure asmoa tensiorik pasa gabe elurtutako mendiaz disfrutatzea zenez, Kanalaunditik igo eta Aizkorri hegotik jeisti genuen eskiekin, Oltzako txaboletara. Ibilbide hau egiteko Zumarraundik (Petrolerak) atera ginen, Zalduondotik, Arabatik eta Sandratitik pasatu ginen ipar isurialdera. Pirukeriak blogean ikusi daiteke eguneko kontakizuna ibilbidearen mapa mugibiliri esker.

Aizkorriko aterpetxean jostailu guztiekin

Eta martxoaren 13an pastelari ginda jartzeko, Ibilbide luze bat (Grande Course bat) egin genuen, oraingoan Arantzazutik aterata. Aratzeko tontorra lehenik, Aizkorri ondoren, Aitxuri eta Iraule egin ostean, bertako hego malda pikoaren jeitsieraz disfrutatu genuen, eta Urbiako fondan mokadutxoa egin ostean Artzanburura igoerarekin bukatu genuen eguna, Durutik behera Arantzazura bueltatuaz. 36km eta 2600m desnibel positiboa. Hau ere Pirukeriak blogean ikusi dezakezue, mugibiliren maparekin.

Ilunabarrak eskiatzen harrapatu gintuen hartan

Hiru egun hauetan eskiatzaile gehiago ikusi ditugu, zeuden baldintza onetarako eskiatzaile asko ez izan arren. Baina guretzat harrigarriena, iraupen eskien markak ikusi genituela Aizkorriko puntan. Ondoren jakin genuen (espero genuen bezela) Andoni Aizpuru izan zela Aizkorriko tontorretik fondoko eskiekin jeistera ausartu zena.
Akaso irakurle askok ez dute jakingo mendi eskiaren eta iraupen eskiaren arteko diferentzia. Iraupeneko edo Fondoko eskiak oso eski finak eta luzeak dira, eta botak ere oso leunak. Iraupen eskia normalean zapaldutako pistetan egiten da, elur jausi berritan eskiatzeko oso zaila delako.
Nik urte askoan egin dut iraupen eskia, eta ez dakit Aizkorriko tontorretik jeisteko gai izango nintzatekeen. Bejon deiala Andoni, mugak apurtzearren.

Elur-jausien biktimen balantzeak

Elur-jausiek eragindako biktimen Alpeetako eta piriniotako balantzeak ikusi ditut, eta zuekin partekatzea pentsatu dut, beti ikasten delako zerbait

Alpeetan: http://wepowder.fr/forum/topic/227715

Que voyons nous?

En regardant ces avalanches certaines choses nous sautent aux yeux:

• Au moins 9 victimes avaient un airbag gonflé
• Au moins 16 victimes ne portaient pas de DVA
• Au moins 3 victimes étaient seules
• 3 victimes étaient des adolescents
• 4 victimes étaient sur des pistes fermées

Mais également:

• Près de 90% des avalanches mortelles sont descendues en face Ouest, Nord et Est. Seulement 3 avalanches mortelles sont descendues en face Sud.
• Près de 92% des avalanches se sont produites au-dessus des 2000 mètres d’altitude, presque toujours au-dessus de la limite des arbres.

Hauxe ikusten dute:
+Gutxienez 9 biktimek zeukaten Airbag motxila puztuta.
+Gutxienez 16 biktimek ez zeukaten EBArik
+Gutxienez 3 biktima bakarrik zeuden
+Gutxienez 3 biktima nerabeak ziren
+Gutxienez 4 biktima itxitako pistetan zebiltzan

Baina baita ere:
+Biktimak eragindako elurjausien %90 Mendebal, Ipar eta Ekialdeko orientaziotan. Soilik 3 elurjausik eragin dute heriotza hego aurpegian
+Elurjausien %92a 2000mtatik gora gertatu dira, zuhaitzak dauden mugatik gora


Piriniotako balantzea ere jarri dabe Alurten
A comienzos de temporada, en los dos primeros fines de semana de diciembre, 5 personas murieron en los Pirineos por caídas y traumatismos. Un inicio con poca y "dura" nieve en cotas bajas-medias en el que la estabilidad del manto queda reflejada en las evaluaciones del peligro respecto a aludes. 

Denboraldi haserako abenduko lehenengo bi astebukaeretan 5 pertsona hil ziren piriniotan, erorketa eta traumatismoengatik. Denboraldi hasera elur gutxi eta gogorrarekin izan zen erdi eta behe partean.

A lo largo de la temporada en el Valle de Canfranc durante los meses de febrero y marzo el Peligro respecto a Aludes fue mayor, seguido de enero, abril y finalmente diciembre.

Canfranc-eko bailaran, otsaila eta martxoa izan dira elur-jausi arrisku handieneko hilabeteak. Ondoren Urtarrila, apirila, eta azkenik abendua.

El completar esta clase de registros, junto a una base de datos de accidentes y cartografía de aludes, es una herramienta fundamental para disminuir la accidentología en montaña y mitigar los posibles daños por afección de este peligro geológico.

Registro hauek batzea, istripuen datuak metatzea eta elur-jausien kartografia egitea oinarrizko erreminta da istripuak saihesteko.

En toda la temporada hemos tenido 45 días con Peligro de aludes 3-4, es por tanto que durante 105 días las posibilidades para circular por montaña han sido muchas sin asumir grandes riesgos.

Denboraldi osoan 45 izan dira 3-4 arriskuko egunak. Beraz, beste 105 egun geratu dira arrisku asko hartu gabe mendian ibiltzeko.

Hemendik eskerrak eman nahi diet Alurte eta Lauegiri, beraiek EAB (Elur-jausi Arriskuen Boletina) konsultatzeko aukera ematearren.

Segurtasuna vs. aluminiozko materiala

Nere inguruan, lasterketetatik etorritako ohitura txar asko ikusten ditudala pentsatzen dut, tartean Aluminiozko kranpoiak mendian lasai erabiltzea. Neri ez zait gustatzen!
Eski lasterketak mendian egiten dira, baina prestatutako baldintzetan (seguruago).
Gure kasa mendira goazenean, lasterketako ohiturak eramaten direla pentsatzen dut. Nere ustez akats bat da, inoiz ezin ditugu ahaztu mendiko segurtasun arauak!!!

Lehenago ere honi buruz idatzia daukat ibilkarin . Gaur Aluminiozko kranpoiez jardun nahiko nuke. Bide batez, Smithyren blogian ere aukitxu dot kranpoien inguruko gomendio sorta

Duela urte batzuk Aluminiozko kranpoiak norbaiti hautsi zitzaizkiola entzuna neukan. Oraingoan nere begiekin ikustea tokatu zait. Ez kasualitatez, biak hautsi zitzaizkion eta.

Lasterketan izan zen, eta soka finko bat jarria zegoen disipadorearekin zintzilikatzeko. Pentsatu soka finkoa jarri gabe egon izan balitz, edo mendian gure kasa goazela gertatu izan balitz.
Eta pentsatu, lasterketetan egiten dugun bezela, piolet gabe, bastoiekin, eta aluminiozko kranpoiak soilik jarrita, izoztutako malda jeisten kranpoia apurtzen bazaigu...

Argazkiotatik kranpoien ekoizlea borratu dut, ez delako markaren kontrako ezer, baizik eta aluminiozko materiala non erabili eta non ez, gogoeta egiteko mendizaleeri.

Eskerrik asko Ion argazkiengatik!!

Gogoeta baita ere, gramo batzuk aurreztearren, lehenengo kranpoi parea aluminiozkoak erosi dituzteneri. Nere ustez hori akats bat da.

Nere gomendioa, lehenengo erosi burnizko kranpoiak! Gaur egungoak ez dira hain astunak, mendirako primeran doaz, eta lasterketetan ere ondo doaz. Ondoren, lasterketetako friky bat izan nahi baduzu, eta gramo batzuk eta milesima batzuk aurreztu, erosi bigarren pare bezela aluminiozkoak. Baina mendira ateratzeko asmoa baldin badaukazu, nere gomendioa, beti, benetako materialarekin, mesedez.

Hortik aurrera, hau jakin arren, norbaitek arriskua baloratu eta material arina mendira eraman nahi badu, noski, libre da hori egiteko. Denok hartzen ditugu momenturen batean arrisku batzuk, baina garrantzitsuena nere ustez, arrisku horiek hartzen direla kontziente izatea da.
Horregatik, nik argi daukat hasi berrieri gomendioak emateko orduan zer esan. Ahaztu pisua, eta bermatu segurtasuna. Hortik aurrera, erantzukizuna zurea da.

pirukeriaken detaile gehiago