 |
| Holtzarteko zaldaina |
Pastoralak pasioz
beterik bizi dituen Zuberoako lurretan, Euskal Herriko txokorik basati eta
ederrenetarikoak diren Basabürüko zintzur edo arroilak aurkituko ditugu. Santa
Graziko eliza erromaniko ezagunetik gertu, Kakueta eta Ehüjarreko zintzurrak
marrazten dira, aurrerago Olhadübi eta Olhadokoak. Naturaren indarrek lurrari
egindako zauriak. Guk, ibilaldi honetan, horietako bat inguratu eta ezagutuko
dugu, Olhadübiko zintzurra hain zuzen ere. Uda partean jende andana ibiltzen
bada ere, udaberria eta udazkena ere, oso garai egokiak dira bazter hauek
bisitatzeko, lasaiagoa ibiliko baikara.
 |
| Ur-jauziak |
Logibar izeneko
aterpetxearen ondotik abiatuko gara. Ibilbidearen zatirik handienak, GR-10aren bidea jarraitzen
du. Olhadoko errekaren paraleloan hedatzen den bideak, egurrezko zubitxo bat
igaro eta berehala malda pikoa igotzeari ekingo diogu. Bustita edo hezea dagoen
egunetan kontuz ibili behar da, labainkorra egoten baita eta horregatik,
lagungarri gerta daitezkeen heldulekuak daude. Maldaren amaieran, pagaditik
atera, bide nabarmenetik aurrera segi eta parez pare, Olhadübiko arroila
zeharkatzen duen Holtzarteko zaldaina edo pasabidea ikusiko dugu. Euskal
Herrian dugun altxor preziatu hau, paraje ezin ederragoan eskegitzen da.
 |
| Holtzarteko zaldaina |
Jatorrian, Holtzarteko
zaldaina edo pasabidea, zuhaitzak moztu eta egurraren aprobetxamendurako eraiki zen. Gaur egun, zubi eseki hau jendetza
erakartzen duen lekua bihurtu da. Pasabidea
urrutitik ikusten denean, Olhadübiko zintzurraren gainean hutsean luzatuta, ikusgarria
da. Bere aurrean aurkitzea are gehiago da, eta gurutzatzeko perspektibaren
aurrean, nahi eta beldurraren artean borroka sortzen da. 1920an, Lombardi
Morello Atharratzeko altzairu-lantegiko langile italiarrek eraiki zuten,
bertako basotik egurra atera ahal izateko. Hasiera batean, egurra garraiatzeko
zubi txiki bat eraiki zuten ohol eta kablez lagundurik. Zuberotarrek Holtzarteko
zaldaina deitzen diote, baina egiari zor, zubia Olhadübiko arroilaren gainean
kokatzen da. Zubi hau, Olhadoko errekatik 180 metrora altxatzen da. Olhado eta
Olhadübiko arroilak, orain dela 80 miloi urte
Klikatu
hemen ARGAZKIAK ikusteko
No hay comentarios:
Publicar un comentario